INDANE GAS CONNECTION nei tan EKYC mahnia tih dan

Consumer te i harh ang u XLV    

            Gas Connection nei tan ‘EKYC tih a ngai’ tih tawngkam hi kan hre lar ta fu mai a. Electronic Know Your Customer (EKYC) hi Indane Gas Connection neitutena an Gas connection a harsatna an tawh loh nan leh Subsidy te tha taka an dawn zel theih nana an tih ngei ngei ngai a ni a, EKYC hi Biometric authentication a tih anih avangin midang kuta inhlan chhawn mai chi a ni lova, Gas connection neituin amahin a tih ngei ngei ngai a ni a. He EKYC tih nan hian pawisa sen a ngailo a a FREE a tih theih a ni.

                He EKYC hi phone kaltlanga awlsam taka tih mai theih a ni a, Indane Gas hmangtute tan chuan IndianOil One Mobile Application emaw Umang Mobile Application kaltlang in tih theih a ni a, IndianOil One apps atanga KYC tih dan kan sawi dawn a ni. EKYC ti tur chuan Gas connection a hming tumtu khan a tih a ngai tih erawh hre hmasa ila.

IndianOil One Apps hi Indane Gas hmang te tana siam a ni a, Application tha leh tangkai tak a ni. Gas book, subsidy check, EKYC, mahni awmna Address thlak, Gas distributor thlak, complaint etc te a tih theih a, a tangkai hle a ni, Indane Gas connection nei te chuan hman vek theih a tha khawp mai.

Step 1: IndianOil One Apps hi Google Play Store emaw Apple Apps Store kaltlangin download tur a ni a, mobile no hmanga in register tur a ni.

 

Step 2: Google Play Store atangin Aadhaar FaceRD apps download leh tur a ni.

Step 3: IndianOil One Apps a kan in register hnuah kan Gas Connection kha LPG ID hmangin kan in enroll leh ang a, tihchuan kan Gas book dan leh a detail hrang hrang a lo lang ang. Apps chhungah hian EKYC tih a awm a hetah hian luh tur a ni.

Step 4: Step by Step instruction a pek anga ti zelin Aadhaar FaceRD apps kan download kaltlang khan Face Authentication kan ti ang.

                Hei hi EKYC tih dan a ni a, a tir a kan thiam nghal lo anih pawhin thil har lo te a ni a, vawi 2/3 kan tih chuan kan thiam em em ang. EKYC tih nan hian eng document mah upload ngai a awm lo va, face authentication tih chauh a ngai a ni. EKYC hi awlsam taka tih theih anih laiin a tihdan thiam lo pawh awm theih a ni a, mi vengva chin leh thil zir zau peih deuh te chuan thiam vek ila, kan chhehvela consumer a thiam ve lo te zirtirtu leh a tihdan kawhhmuhtu nih theuh i tum ang u.

 

A chunga Picture a tarlan khi a step by step a EKYC tih dan a lem nena entirna a ni a, hetiang hian hrilhfiah ila.

Picture 1: A hmasa berin IndianOil One Apps ah i lut anga registration I tih fel vek tawh hnuah a lem a lang ang khian eKYC tih box lo lang khi I click ang.

Picture 2: eKYC i click hnuah a lem a lang ang khian a lo lang ang a a box tick ngai khi click la Face Scan tih khi click leh tur a ni.

Picture 3: Camera a lo in open anga nangma thla kha lak tur a ni a, a appl a i thlalak lo lang kha a fiah tawk hnuah i mit i khap zeuh ang a amahin a lo in click mai ang. I phone i tihchet emaw i hawisawn chuan a error zel thung ang.

Picture 4: Tichuan i Aadhaar details kha a lo lang ang a, a hnuaia Submit button khi click la, tichuan EKYC chu i ti zo a ni mai.

 

- Laldinpuia

Secretary, Serchhip District Consumer Association

Ph: 9089284538