Hei leh chen hi Lalpan min pui a ni

 [Hmar Veng Branch K|P kum 50-na(9.8.2020) pual

Hei leh chen hi LALPAN min pui a ni” I Samuela 7:12

Serchhip Hmar Veng Branch K|P te chuan Pathian hruainain kum sawmnga(Golden Jubilee) hmel kan lo hmu ve ta reng mai, a va lawmawm em! Bible-ah pawh kum sawmngana hi a ngai pawimawh a, Leviticus 25:10-ah chuan kum sawmngana Jubili hi lawm tur a ni a, mi zawng zawng tan zalenna thu puan tur a nih thu a inziak a. Hetihlai hian kumin chhoah khawvealah hripui (Covid-19) a len avangin nunphung a buai a, tum angin kan lawm hleithei lova, K|P member leh Kohhran mipui te huapa lawmna pawh siam theih a la ni rih lova, a pawi hle a ni. Amaherawhchu he kum sawmngana hi kum chhiara pawimawh tak anih avangin a huhovin lawm theilo mah ila, keimahni awmhmun \heuhah ngai pawimawh ila, kan awmhmun \heuhah Pathian hnena lawmthu sawina hun atan i hmang \heuh ang u.

Hun kalta zawng zawng a kan branch K|P hun hman dan te kha han chhuikir ta ila kum 1970 a\anga 2020 inkara Pathian ina min hruaina hi a lawmawm hle a ni. Harsatna leh hunkhirh tam tak Hmar Veng Branch K|P hian a lo paltlang tawh a, kan hruaitu tam tak ten mual min liamsan tawh a, kan hruaitu hmasa tena K|P rawngbawlna mei an lo tihnun tawh chu Pathian hruaina avangin vawiin thlengin la chhawmnun zel a ni a, chu chuan kum sawmnga lai min lo thlenpui ta a ni.

Serchhip Hmar Veng Branch Kristian |halai Pawl hi ni 9 August 1970 (Pathianni) chawhma inkhawm banah ‘Hriangtlang Veng Kohhran Kristian |halai Pawl’ tih hmingpuin din \an a ni a. A din tirha Hriangtlang Veng Kohhran K|P tih ni \hin kha a hnu kum ruk naah 1976 kum tir lama ‘Hriangtlang Kohhran’ tih chu ‘Hmar Veng Kohhran’ tia thlak a lo nih tak avangin  K|P lam pawhin an hming ‘Hriangtlang Veng K|P’ tih \hin chu ‘Hmar Veng Branch  K|P’ tiin thlak ve nghal a ni. Kan hruaitu hmasate khan hun harsa tak karah pawh K|P an lo khainung hram hram a, Kohhran hnathawh tipuitlingtu leh kutke ber ni chho zelin Kohhrana tana mi \angkai an chherchhuak zel a, chuvang chuan tunah pawh Kohhran changtlung tak kan lo neih phah ta a ni.

Vawiina K|P member te hian kan Jubilee kan thlen avanga kan lâwm rual hian kum sawmnga chhunga Pathian ina Hmar Veng Branch K|P min lo hruai tawhna zawng zawng te, kan hruaitu hmasa hun harsa tak tak kara K|P lo hruaitute leh theihtawpa K|P a lo tel \hin zawng zawng te kha kan rilru in hre thar leh ila, ‘Hei leh chen hi Lalpan min pui a ni’ tichungin Pathian hnenah Jubili min hruaithlen avang hian lawmthu i sawi \heuh ang u.

-          Laldinpuia,

Leader, Hmarveng Branch KTP 2020