Gas bur hi enge a rih zawng tur dik tak, engtin nge a buk a tlin leh tlinloh kan hriat ang?

Consumer te i harh ang u –XXV

            Eirawngbawlna Gas hi mitin hian kan hmang \angkaiin a pawimawh hle mai a. Sawrkarin mipuiah Subsidy in min leitir avangin man tlawm takin mipui ten kan lo khul theih phah \hin a a \ha hle a ni.

            Hetih lai hian kan Gas bur te a buk a tlinloh emaw, a rih tur anga a rih loh erawh chuan kan hman tur ang kan hmang thei lova, a bur tling nena inang reng pawisa kan pek tho avangin pawisa kan hloh \hen tihna a ni. Chuvang chuan a buk tling ngeia lei hi mipui ten kan chanvo a ni.

            Gas bur reng reng hi a rih dan tur engkim ruahman vek a ni a, a nih dan tur aia rit lutuk a \halo a, zang lutuk pawh a \ha chuang lo. A nih dan tur inziak ang thlap anih khan a hmangtu tan a \hain a him ber a ni.

            Mipui nawlpui ina kan hman \hin Domestic Cylinder kan tih mai (a bur sen) hi lo sawi ta ila. Gas burah hian Gas hi Kg 14.2 a awm tur a ni a, hei aia tlem emaw tam emaw a awm tur a ni lo.

            A lem(Picture) ah hian Gas bur pangah hmun 2 laiah 15.8 tih inziak kan hmu a, hei hi a awm zia chu Gas bur ruak rihzawng a ni. Gas bur hi a chhunga Gas awm lovin Kg 15.8 a rit tihna a ni.

            A pangah hian NETT WT 14.2kg tih kan hmu leh a, hei hi Gas rih zawng tur a ni a, he burah hian mipuiin an lak hmain Gas kg 14.2 a awm tur a ni tihna a ni.

            A pangah tho hian GROSS WT 30.0kg tih a awm leh a, hei hi Gas tak thun anih hnua Gas bur rih zawng tur a chu a ni (Gas bur ruak rih zawng leh Gas rih zawng Kg 14.2 belhkhawm a ni). He Gas bur hi Agent a\anga Gas awma kan lak dawnin Kg 30 a tling ngei ngei tur tihna a ni. a, Kg 29 vel chauh a lo ni anih chuan Kg 1 a kimlo tihna a ni.

Engtin ngea buk tlin leh tlinloh chu kan hriat tak ang?

            Khi ta tarlan khi entirna mai a ni a, Gas bur zawng zawng hi Kg 30 a ni tur a ni tihna lamah ngaih loh tur a ni. Gas bur ruak hi a rihzawng a inang lo nuai hlawm a, chuvang chuan kan Gas lak tur rih zawng dik kan hriat duh chuan Gas bur a a bur ruak rih zawng inziaka kha kan en phawt ang a, chumi leh Gas awm zat tur rih zawng Kg 14.2 kha kan belh leh ang a(Gas awm zta tur rih zawng hi chu a inang vek, a danglam ve lo). Chuta kan belhchhuah a chu kan Gas bur lak tur rih zawng a ni. Kan Gas lak tur te a rih zawng tur ang a tlinloh chuan ngawibo mai mai lovin thuneitute hnenah complaint \hin tur a ni.

- Laldinpuia