#StayAtHome : DAY 8

Nilenga room te takte a inkhun reng chu ninawm chang a tam ta hle mai. Whatapp Group pakhatah mut dan style hrang hrang an rawn post a, ka ti ve chhina a tha riau mai!

Kan Local Task Force te hmalak dan rualkhailo leh hmun tam taka an fimkhur tawklo hian rilru a tihah. Sawrkar hian mumal deuh taka kan boruak hi a control a hun viauin ka hria. Tih tak takah te chuan ram pum huapa NGO ten Total Band an neih pawhin police duty an indaih viau thin kha maw. Tun ang hun boruak up tak mai kara police force te Local Task Force vel duty naa hmuh tur an vang pharh mai leh kan YMA member mi tlawmngai sawkar hnathawk leh insurance tha pawh neilo mahni inluma awm tur zawk tlawmngaih chhuaha an phu suau suau mai hmuh hian administration mumal kan mamawh zia a langin ka hria.

Nizan lamah TV kaltlanga Tv Federick-a Homw Crusade in sawizui a hlawh a whatsapp velah a tha titu an tam hle. Ka room ah TV a awm ve si lova, youtube a live lah signal chhiat avangin kan en ve thei si lova, thenawm khawveng hovin Halleluia Amen an pe that that  ka hria a, en ve leh an hnehna puang chu zawm ve a chakawm hle mai. Mahse Halleluia han pawngpaw pek ve ngawt dawnin TV a en ve loh chuan amen pek hun ka hre ve thei tlat lo, a hun leh hmun lova thiltih hi a pawina chen a awm bawk si. Mi harhtharna chan laiin kan la hul ru riau mai dawn a ang.

Room-ah inkhung nileng mah ila Whatsapp leh phone kaltlangin chanchin thar kan hre ve zel a, Federick a thusawi pawh whatsapp kaltlangin a tlangpui chu ka chhiar thei e. Federick-a'n a tuna Civid 19 kan hlauh em em, mi tam takin Zoram chhiatna leh Thim lo thleng tur emaw kan tih hi thim ni lovin kan zalenna tur zawk a ni, a tih hian ka rilru a luah hle mai. Social Media ah te kan hmu a, kan mi hausa leh mi tlawmngai tam takin tunlai boruakah midang harsa zawk te an tanpui mek tih te hriat hian a lawmawm hle mai. Hnamdang te thlengin ei tur te pein kan tanpui tih te thlalak atanga ka hmuh hian chamchintha hril naah bung thar kan kai ta niin ka hmu. Pathianin he kan manganna atang hian a chanchin tha ringtu a tipung ngeiin ka ring tlat a ni. Tuna tanpui ngaite kan tanpuia midang chunga kan that chhuahna hian kan ram a tieng ang a, hnamdang te ngaihsan kan hlawh ang a, kan rama chanchintha meichher hi a ti alh zual leh dawn a ni. Federick-a sawi angin, "Thim lo thleng tur emaw kan tih hi thim a ni love, kan zalenna tur zawk a ni".