Kohhran a pachhiat viau chuan

Laldinpuia

Kan Kohhran Upa te awka a\ang hian "Tunlai chu kan Kohhran kan pachhe lutuk" tih hi kan hre teh fova, hei hi a chhan chu kan dinhmun harsat vangah kan puh thlu deuh mai \hin niin a lang. Mahse ngun taka ngaihtuah chian erawh chuan thil mak tak zawng a ni. Hei hi thil nithei a ni em? tih hi chhui tam fe a ni.

Kohhran hi Krista taksa a ni a, he khawvela Pathian aiawhtu a ni a, Vanram chahbi hial kawltu niin sawi \hin a ni. Chutiang khawpa thuneihna nei Kohhran chu englai mahin a chau ngai tur a ni lova, sum leh paiah pawh harsatna nei awmlo tak tur a ni. Pathian chuan a mite hnena an sum lakluh sawma pakhat pek a phut a, he thilpek hi Kohhran hian Pathian aiawhin he khawvelah hian a dawng a, Kohhran inrelbawl nan hman \hin a ni. Thilpek zinga a tam zawk hi Synod-ah lut mahse Tualchhung Kohhran hian mahni inrelbawlna khawp chu chan a nei a, Kohhran member Pathian hnena thilpek petu kan awm chhung chuan Kohhran hi sum leh pai lamah harsa awmlo tak a ni.

Kan Kohhran Upa tena sum lama Kohhran kan pachhiat thu an sawi \hin hian rilrua lolang chu Kohhran member te hian thilpek lamah kan pe tam tawklo \hin anih dawn hi tih a ni. Kumtin Pathian ram thikpek kan thawhdan a pung zel a, amaherawhchu kan Kohhran chhungkaw dinhmun enin leh kan nitin khawsak leh sum lakluh enin pung tam tak erawh a ni lem lo niin a lang. Kan Kohhran chhungkaw tin te hian kan sum lakluh a\anga a tlem berah sawma pakhat hi Kohhrana pe ngei ngei tur kan nih lai hian sawma pakhat pe lo hi a tam zawk kan awm niin a lang(Kum tina Pathian ram thilpek pek dan tihchhuah a\anga en hian). Chuvang chuan Kohhran miten tan kan lak thar lehzual a \ul hle a ni. Kan veng hi veng hlawm leh pawl dang Biak In awm lohna a ni a, Kohhran mi pawh mahni veng chhung ami deuh vek kan ni. Chutih lai chuan kan nitin khawsak phung te, kan in leh lo leh kan sum chet vel dan han en hian Pathian leh a Kohhrana thilpek pek lam hi kan ngaihsak tawklo tih a hmuh theih. Pathian hnena thilpek pek hi uar ila, Kohhrana thilpek kan pek hian mihring hnena pe kan ni lova, Pathian hnena pe kan ni tih hi pawm bawk ila. Pathian malsawmna kan dawn nasat zia te, hriselna leh damna kan neih avang ringawt te hian Pathian tana inpe a ama hnena kan tih ve theih thilpek pe tur kan ni. Kan pek tlem leh tam lam a nilo, kan sum lakluh a tam emaw a tlem emaw, dik taka Pathian tana kan pek hi kan tihtur a ni. Sum leh pai lama pachhe taka Kohhran a awm hian a Kohhran mi te hian a mawh kan phur ani tih hria ila, Kohhran thawhlawm lamah tun ai hian \an i la thar deuh deuh ang u.

Kohhran hi Pathianin he leia a aiawh tur atana a din a ni a, pawnlam mite nekin sawichhe \hin mahse an ngam ngailo, a chhunga awm ten kan tih\hat duh lova Kohhran hmasawnna tur pawha kan inpek \hat duhloh erawh chuan Kohhran chuan chuai lam a pan mai \hin. Rev Liangkhaia chuan "Kohhran chu ama hmelma, pawn lam thiltihtheihnate chuan a ngam ngai lo va, a tichhe zo bawk hek lo; Kohhran tichhetu ber \hin chu a chhunga mi dik lo awmte an ni zawk \hin"[i] a lo ti a ni. Chuvang chuan kan Kohhran a pachhiat viau chuan Kohhran miten kan mawhphurhna ani tih hria ila, kan Kohhranin hma a sawna Kohhran inrelbawlna leh sum leh pai lamah pawh hma kan sawn zel theih nan Kohhran thawhlawm leh Pathian tana thilpekah Kohhran

[i] Rev Liangkhaia, ‘Kohhran leh a rawngbawl na’ page 9.