Consumer te i harh ang u -VI

Online Scholarship chungchang hi

Central sawrkar chuan Scholarship dil dan phung ti danglamin kum 2016 Session atang hian Class 1 atanga a chung lam zawng ten a Scholarship chi hrang hrang an dil thin chu Online hmang veka dil tawh turin a ti a, tun hmaa School leh DEO Office vela buaipui thin kha a theih tawh lohva zirlai ten anmahniin an buaipui a ngai tawh dawn a, hei hian mi tam takah harsatna a siam mek niin a lang. Hetiang a Central sawrkarin a tih nachhan hi Scholarship a nihna tur ang taka zirlai ten an hmuh theih nan a ni a, a system hi tunah harsa viau angin lang mahse hun lokal zel tur atan erawh a tangkai hle a rinawm. Hemi chungchanga Minority Scholarship(Cl 1-10 chin dil theih) a mipui tena harsatna kan neih leh kan zawhna hrang hrang te hi han sawifiah tum dawn ila:

Engzah chin income lain nge dil theih? 

Income hi Rs nuai 1 chin tiin a guidelines ah tarlan a ni a, tih a ni a, (hei hi online registration tih naah chuan Rs nuai 2.5 chin tih a ni bawk, a khawi zawk nge dik tih hi a chiang vak lo). a guidelines an siamna hi a hlui deuh hlek tawh a an tidanglam tawh pawh a ni thei.

Tute nge dil thei? 

India khua leh tui Income a sawiin a phak chin leh exam hnuhnung ber (term end exam) a mark 50% hmu chin ten dil theih a ni.

Engtia dil tur nge? 

Central sawrkar ina website a siam www.scholarships.gov.in atangin zirlai te in register hnuah dil theih a ni a, Cl 1-8 chin chuan fresh veka dil tur a ni a, Cl 9-10 nikum lama dil a hmu te chuan renewal in dil tur a ni a, nikum lama dil hmulo te chuan fresh vek a dil tur a ni thung. Renewal a dil tur hian kum hmasa lama an Scholarship dilna registration no kha an neih a ngai.

Aaadhar Card a ngai em? 

Aaadhar Card hi kan Scholarship hotu (Mizoram ami) ten an ngenna angin a tello pawhin a dil theih dawn niin a lang a, a online form ah aadhar chhutna awm tho mahse, tarlang lo pawhin a in register theih a ni.

Engtik hun chhung nge dil theih? 

A dil theih hunchhung hi Central sawrkar chuan ni 30 Sept, 2016 thleng a hawng.

Khawi hmunah nge dil tur? 

A dilna tur hmun hi sawrkarin ruatbik leh tarlan bik a nei lova, mi tupawhin anmahni pawhin an dil thei. Internet Connection a ngai a, chumi awmna hmun apiangah chuan dil theih a ni.

Document engnge ngai? 

Hemi chungchangah hian ngaihdan a tam hle a, ni 22.8.2016 khan Central Sawrkar a Secretary, Minority Aaffairs chu email hmangin ka be pawp a, ni 24.8.2016 a email hmang veka min chhan dan chu hetiang hi a ni - Scholarship online a dil tur hian Admission fee leh Tuition fee Rs 50,000 chin tlinglo ah chuan Document engmah upload/scan a ngailo. Document tul leh ngai ang te chu Institution(an zirna school-ah) an verified chuan a tawk mai tih a ni. Institution in tul an tih loh phei chuan(an zirlai te chu an hrechiang awm si a) Income, tribal, Residential te pawh hi a ngai lo tihna anih chu.
 

Central Minsitry in a tarlan dan chuan heng documents te hi Institution in verified tul an tih chuan a diltu ten Institution ah an submit ang - Institution verification form, Self declaration of family Income, Self declaration of the Students, Self declaration of the minority community, marksheet, fee receipt of current course year, proof of bank account, aadhaar card, residential certificate.

- Laldinpuia
Secretary, Serchhip District Consumer Association

Contact: 9436146850/9089284538(Whatsapp)