Consumer te i harh ang u -V
Gas hralh ruk chungchang
Serchhipah hian Gas kan harsa em em thin a, kum 2/3 vel atang phei kha chuan khamkhawp kan hmu ta meuh lo niin a lang. Serchhip ah hian Gas Agency hi MIZOFED chiah an awm a, hetianga Gas a harsat em em lai hian a lehlamah a ruka hralhru thin te chuan hralh tur an neih deuh reng tho va, khaw dang atang te pawhin Serchhip a Gas rawn hralhruk man a ni ta fo mai. Ni 11.5.2016 pawh khan Consumer Association te leh Legal Metrology hruaituten Kolasib leh Serkhan atanga Pick up rawn kal 2 ah heng Gas rawn hralhruk te hi man a ni nghe nghe. Hetiang kawngah hian mipui thenkhat ngaihdanah chuan MIZOFED in Gas an sem tha thei si lova, a leituin a lei ngam phawt chuan hralhruk hi a pawi em ni? tih zawhna awm thei a ni. Amaherawhchu mipui te hian thil kan ngaihtuah chian erawh a tul hle. Heng Gas hralhruk te hi engtianga hralhru thei nge an nih, khawi ami nge an hralhruk? tih hi mipui ten kan hriat a tul ta hle a ni.
Heng Gas hralhruk kan tih te hi alokalna chu mipui chanai tur lak hekna/lak thenna atanga lo awm a ni tih kan hriat a tha. Serchhip leh Mizoram hmun danga Gas sem tur te hi Mualkhang Bottling Plan atang khuan phurh chhuah a ni thin a, heng Gas hralhrutute hian Gas bur hawh chawpin Mualkhang Bottling Plan bulah a rukin heng Gas phur truck lian te hi lo changin Driver te nen sum leh paia insiam remin an Gas phurh ami chu bur 4/5 te Rs 500-600 velin an leisak a, tin bur hrang hrang ami te lachhuak lawrin an bur ruak kenah chuan an thunkhat zel a. Chu chu mipui teah a rukin rawn zuarin Bur 1 Rs 900-1000 tein min lo leitir ta thin a ni.
Hetianga a ruk a rala Gas an khawih danglam/lak then thin avang hian mi tam takin, “Ka Gas lak buk a tling lo”, “A Leak nasa lutuk” te kan lo tih phah ta a ni. Chuvang chuan a man tlawma kan Gas lei tur kha mi thenkhat ten duham takin a rukin an lo hralhru then a, chung hralhruk vek chu kan hnenah tho a man tovin min lo zawrh ta thin anih chu. An thiltih dan hi a ngeiawm a, a tenawm hle a ni.
Tin, kan Gas lak dan phung hi DBT system anih tawh avangin Gas subsidy hi kan Bank Account ah a lut zel a, Central Sawrkar chuan Gas Connection nei zawng zawng te hi kumkhat(Finanzial Year)chhungin Bur 12 Subsidy min pek a tiam a, chutih lai chuan kum 2015-2016 kaltaah khan Serchhip khawpui ina kan Gas lak chu chawhrualin Connection pakhatin Bur 6 zel anga chhut a ni. Bur 12 Subsidy man dawn tur kan neih reng laiin bur 6 chiah kan dawng ta si a, bur 6 dang chu a pawisa awmsa si kha a Gas lam indaihlohna avangin pawisa kha tu account ah mah lut thei lovin a awm ta mai mai tihna a ni. Chuvang chuan kan chanai tur kan chanlohna hi Consumer te hian kan ngaihmawh a, kan chanvo tur kan chan theih nan kan tanrual a tul hle a ni. Chutiang chu thil awmdan anih reng laiin kan chanvo tur ami ngei ngei chu a hralhru pawlin min han chhuhsak leh ta thin a nia, hriatchian poh leh a thinrim thlak a, a hralhru thin ho hi kan tihtawp a mipui ten Gas hralhru/rawn zuar thin kan hriat chuan thuneitute hnena kan report vat vat hi a tul em em a ni.
Hmun dang India ram khawpui tam zawkah te phei chuan Gas supply hi a hniang hnar em em a, chuvang chuan a ruka hralh thin pawhin lei tu tur an hmu zo lo hial a, Legal Metrology te pawhin a buk tlin leh tlinloh pawh an check mumal ngailo hial thin (a buk tlinglo leh a ruka hralh thin ten hralhna an hmuh loh avangin an Gas lak reng reng a buka tling vek thin). Serchhipah erawh chuan Gas buk tlinglo leh hralhruk hriat tur a awm deuhreng a, Legal Metrology te pawh an indaih lo hle reng a ni. Hetiang anih avang hian mipui te hian kan kal dan diklo tak hi kan siam that a ngai a. Sawrkar ina chanvo min pek awmsa reng, kum khat chhunga Gas man tlawma bur 12 kan lak theihna tura order awm reng hi a nihna tur ang taka kan dawn theih nan thuneitute lam kan nawr thiam a, kan tanrual a tul hle a ni. Mipui te hi tangrual ila, kan chanvo humhalh ila, dikna i tan tlat ang u.
- Laldinpuia
Secretary
Serchhip District Consumer Association
Serchhipah hian Gas kan harsa em em thin a, kum 2/3 vel atang phei kha chuan khamkhawp kan hmu ta meuh lo niin a lang. Serchhip ah hian Gas Agency hi MIZOFED chiah an awm a, hetianga Gas a harsat em em lai hian a lehlamah a ruka hralhru thin te chuan hralh tur an neih deuh reng tho va, khaw dang atang te pawhin Serchhip a Gas rawn hralhruk man a ni ta fo mai. Ni 11.5.2016 pawh khan Consumer Association te leh Legal Metrology hruaituten Kolasib leh Serkhan atanga Pick up rawn kal 2 ah heng Gas rawn hralhruk te hi man a ni nghe nghe. Hetiang kawngah hian mipui thenkhat ngaihdanah chuan MIZOFED in Gas an sem tha thei si lova, a leituin a lei ngam phawt chuan hralhruk hi a pawi em ni? tih zawhna awm thei a ni. Amaherawhchu mipui te hian thil kan ngaihtuah chian erawh a tul hle. Heng Gas hralhruk te hi engtianga hralhru thei nge an nih, khawi ami nge an hralhruk? tih hi mipui ten kan hriat a tul ta hle a ni.
Heng Gas hralhruk kan tih te hi alokalna chu mipui chanai tur lak hekna/lak thenna atanga lo awm a ni tih kan hriat a tha. Serchhip leh Mizoram hmun danga Gas sem tur te hi Mualkhang Bottling Plan atang khuan phurh chhuah a ni thin a, heng Gas hralhrutute hian Gas bur hawh chawpin Mualkhang Bottling Plan bulah a rukin heng Gas phur truck lian te hi lo changin Driver te nen sum leh paia insiam remin an Gas phurh ami chu bur 4/5 te Rs 500-600 velin an leisak a, tin bur hrang hrang ami te lachhuak lawrin an bur ruak kenah chuan an thunkhat zel a. Chu chu mipui teah a rukin rawn zuarin Bur 1 Rs 900-1000 tein min lo leitir ta thin a ni.
Hetianga a ruk a rala Gas an khawih danglam/lak then thin avang hian mi tam takin, “Ka Gas lak buk a tling lo”, “A Leak nasa lutuk” te kan lo tih phah ta a ni. Chuvang chuan a man tlawma kan Gas lei tur kha mi thenkhat ten duham takin a rukin an lo hralhru then a, chung hralhruk vek chu kan hnenah tho a man tovin min lo zawrh ta thin anih chu. An thiltih dan hi a ngeiawm a, a tenawm hle a ni.
Tin, kan Gas lak dan phung hi DBT system anih tawh avangin Gas subsidy hi kan Bank Account ah a lut zel a, Central Sawrkar chuan Gas Connection nei zawng zawng te hi kumkhat(Finanzial Year)chhungin Bur 12 Subsidy min pek a tiam a, chutih lai chuan kum 2015-2016 kaltaah khan Serchhip khawpui ina kan Gas lak chu chawhrualin Connection pakhatin Bur 6 zel anga chhut a ni. Bur 12 Subsidy man dawn tur kan neih reng laiin bur 6 chiah kan dawng ta si a, bur 6 dang chu a pawisa awmsa si kha a Gas lam indaihlohna avangin pawisa kha tu account ah mah lut thei lovin a awm ta mai mai tihna a ni. Chuvang chuan kan chanai tur kan chanlohna hi Consumer te hian kan ngaihmawh a, kan chanvo tur kan chan theih nan kan tanrual a tul hle a ni. Chutiang chu thil awmdan anih reng laiin kan chanvo tur ami ngei ngei chu a hralhru pawlin min han chhuhsak leh ta thin a nia, hriatchian poh leh a thinrim thlak a, a hralhru thin ho hi kan tihtawp a mipui ten Gas hralhru/rawn zuar thin kan hriat chuan thuneitute hnena kan report vat vat hi a tul em em a ni.
Hmun dang India ram khawpui tam zawkah te phei chuan Gas supply hi a hniang hnar em em a, chuvang chuan a ruka hralh thin pawhin lei tu tur an hmu zo lo hial a, Legal Metrology te pawhin a buk tlin leh tlinloh pawh an check mumal ngailo hial thin (a buk tlinglo leh a ruka hralh thin ten hralhna an hmuh loh avangin an Gas lak reng reng a buka tling vek thin). Serchhipah erawh chuan Gas buk tlinglo leh hralhruk hriat tur a awm deuhreng a, Legal Metrology te pawh an indaih lo hle reng a ni. Hetiang anih avang hian mipui te hian kan kal dan diklo tak hi kan siam that a ngai a. Sawrkar ina chanvo min pek awmsa reng, kum khat chhunga Gas man tlawma bur 12 kan lak theihna tura order awm reng hi a nihna tur ang taka kan dawn theih nan thuneitute lam kan nawr thiam a, kan tanrual a tul hle a ni. Mipui te hi tangrual ila, kan chanvo humhalh ila, dikna i tan tlat ang u.
- Laldinpuia
Secretary
Serchhip District Consumer Association
Consumer te i harh ang u -V
![]()
Reviewed by Laldinpuia
on
June 21, 2016
Rating:
No comments: