Consumer te i harh ang u-IV

(Mobile Connection Prepaid/Post Paid chungchangah)

    India rama Broadcasting Service-a thuneitu sang ber Telecom Regulatory Authority of India (TRAI) hian Mobile Phone hmangtutena kan hriat tur dan hi mumal takin a siam a, heng dan te hi service provider ten customer te min hrilh hriat tawkloh avang te, mipui lamin a zawh nachang kan hriatloh vangtein kawng tam takin kan buai lohna turah kan buai fo thin. Mobile Phone chungchanga a hmangtutena kan hriat tur TRAI in dan a siam tlangpui lo tarlang ila -

1.    Prepaid connection-ah balance atanga pawisa in cut a awm reng rengin a chhan chiang tak service provider ten customer te SMS hmangin an hrilh tur a ni. for eg. Message thawn, mi call chhuah, VAS ang chiah te.

2.    Prepaid connection hi hman miahloh hian ni 90 a dam thei a, ni 90 ral hmaa a simcard neituin a hmang miahlo anih pawhin Service provider ten an no midang lo pek emaw, an simcard lo block sak emaw an ti tur a ni lo.
3.    Post Paid connection nei tan ni 90 chhung phone kan hmang dawnlo, hman a ngailo anih chuan Rs 150/- aia tam lo pein kan phone chu a dahthat theih. (Rs 150 kan pek hian thla tin bill a kha rawn kal tawh dawn lova, thla 3 chhung kha simcard kha kan hman dawnlho avangin kan number pangngai kan humhimna security a ni)

4.    Kan Mobile Connection-a complain duh kan neih anih chuan kan Simcard a Customer Care number awmsaah khan phone mai tur a ni, biak man a awmlo. Hetah hian kan harsatna engkim chinfel theih a ni. (English/Hindi erawh thiam a ngai).

5.    Sawrkar danin a phal angin Prepaid/Postpaid customer ten kan number neihsa chhawmin service provider duh duh kan thlak thei tawh a, hei hi Mobile Number Portability an tih chu a ni. Hemi awmzia chu idea simcard kan nei a, kan idea no kha tidanglam lovin airtel simcard leh signal kha kan idea no ah khan kan hmang thei tawh tihna a ni. Mahse hei hi ni 90 a ral hma chuan inthlak nawn leh a theihloh tih hriat a tha. Hemi ti tur chuan SMS in PORT (kan mobile no) tih message 1900 ah send mai tur a ni. Tichuan a hnuah form fill up tur a awm ang.

6.    Value Addes Service(VAS) kan tih heng - hello tune, news, sports, tv live etc ang chi reng reng hi customer te remtihna lovin service provider ten an activate thianglo a, chutianga customer te thu lova activate a awm reng reng chuan a activate atanga darkar 24 a ral hmaa customer in a complaint anih chuan VAS atana pawisa in cut tawh kha customer account ah refund leh tur a ni.

    Mobile connection te hi mipui te vanga awm a ni a, mobile connection eng pawh kan neih khan kha company customer kha kan ni a, an service kan lei a ni tih kan hriat a tha. Chuvang chuan an service a thalo emaw, kan duhthusam a nilo emaw an insawi anga an network a hman theihloh emaw anih chuan mipui te hian an company ah complaint kan thehluh vat hi a tha. Kan complaint avangin kan chungah kan connection min tihtawpsak emaw, min hrem zawngin action an la theilo tih hriat tur. Chuvang chuan consumer te hian kan dikna chanvo hi hrechiang ila, kan pawisa sen ang hu service kan neih theih nan kan tanrual hi a tul takzet a ni. Consumer te i harh ang u.

- Laldinpuia, Secretary
Serchhip District Consumer Association
Contact: 9436146850