A thlawnin i Aadhaar document update rawh le

 Consumer te i harh ang u XL

-Laldinpuia, Secretary, Serchhip Dist Consumer Assn

India rama Aadhaar thuneitu sang Unique Identification Authority of India(UIDAI) chuan India rama mipui a mamawhtu te tan a awlsam zawk nan Aadhaar document update chu March 15 – June 14 thleng(thla thum chhung) a FREE in a kalpui mek a, he Aadhaar document update hi a thlawna update tur chuan aadhaar neitu ten online kaltlanga an tih a ngai a, an phone leh aadhaar a in link ngei a ngai bawk. He update-ah hian Proof of Identity leh Proof of Address atan document proof upload tur a ni. He document update hi a rate pangngaiah chuan Aadhaar enrollment Centre atanga ti tur chuan mi 1 in Rs 50 chawi a ngai a, online a ti tur chuan Rs 25 chawi a ngai thung. Mahse online hmanga update hi March 15 – June 14 chhung atan a thlawna update theih UIDAI chuan tunah hian portal a hawng mek a ni.

Aadhaar Document update hi Aadhaar card nei zawng zawng tan a ni lova, Aadhaar card neih na rei tawh, kum 10 leh a hma lama Aadhaar Card lo nei tawh te chu an document update ngei ngei tura tih an ni a, Document update ngai ho hian UIDAI atangin an registered mobile number ah SMS an dawng hlawm a. Mahse Aadhaar card tam tak hi mahni mobile register lo emaw, phone no ti thi tawh kan awm nual mai a, chuvang chuan Aadhaar card neihna rei tawh deuh te chuan SMS kan dawnglo anih pawhin online kaltlanga a thlawna update theih anih lai hian upate erawh a tha khawp ang.

 

A thlawna document update dan

A thlawna online kaltlanga aadhaar document update tur chuan i aadhaar leh i phone kha a in link ngei ngei a ngai a, otp a rawn thlen a ngai. I phone leh Aadhaar Card a in link lo anih chuan enrollment centre-ah kalin i phone no kha aadhaar nen i link phawt a ngai ang. I phone no leh i Aadhaar card a in link leh link loh i check duh chuan uidai website https://uidai.gov.in/en/ ah lutin verify aadhaar number tih atang khan i aadhaar details i chhu ang a, i aadhaar leh phone no a in link leh link loh te, eng phone no nge i aadhaar ah in link tih te i hre thei ang.

Aadhaar leh Phone no in link sa tan hetiang hi online kaltlanga document update dan a ni:

Step 1: Uidai website https://myaadhaar.uidai.gov.in/ ah lutin i aadhaar number hmangin i login ang a, i mobile ah OTP a lo thleng ang.

Step 2: I aadhaar details hrang hrang a lo lang ang a, tah chuan Document update tih button i click ang a, i aadhaar details a lo lang ang.

Step 3: I aadhaar details kha a dik chuan verify la, a hnuah document update na tur Proof of identity leh proof of address a lo lang ang a, tah chuan a document proof a kha i document hman duh ber kha i upload ang a, i submit ang. Tichuan i aadhaar document update chu a zo tih na, a in process hlawhtlin chuan receipt download turin a lo awm bawk ang.

Proof of identity atana document hman theih langsar zual te: Indian passport, Pan Card, Ration Card, Voetrs id, Driving licence, Tribal certificate, School Certificate/Marksheet, bank account statement etc. (a list zinga engemaw ber khi a hman theih).

Proof of Address atana document hman theih langsar zual te: Indian passport, Ration Card, Voters id, Tribal certificate, School Certificate/Marksheet, bank account statement etc. (a list zinga engemaw ber khi a hman theih).

Nakinah online transaction leh aadhaar seeding vela i buai loh nan sawrkarin a thlawna document update na hun a siamsak che hi hmang tangkai la, a thlawnin i document update ve rawh le.