I Electric bill I chawi dik leh dik loh chhut rawh le
Consumer te i harh ang u XXXVIII
- Laldinpuia, Secy Serchhip District Consumer Assn.
Electric bill sang chungchangah hian tunlai hian sawi a tam hle mai a, kan bill san avangin tam tak kan phun kan phun a, a thawktute kan dem a, thenkhat phei chuan thil hre chiang mang lovin, “sawrkarin SEDP tuak nan a hmang a niang” te an han ti leh ngawt thin a. Rin thua zeldin chiam emaw, hre chiang mang hlei lova tu emaw dem vak ai chuan thil nihphung kan hriat hmasak phawt hi consumer tena kan tih tur a ni. Chuvang chuan kan electric bill sang hi a dik reng em? tihsual a awm em? tih awlsam taka chhut dan lo tarlang dawn ila.
Tuna Electric bill tariff kan hman mek hi 2022-2023 tariff a ni a, hetiang hi mipui nawlpui ina kan hman Domestic connection bika a rate awmdan chu a ni –
1) Unit 0-100 inkar kan hman man hi Unit khat zelah ` 4.90/- a ni.
2) Unit 101-200 inkar kan hman man hi Unit khat zelah ` 7.10/- a ni.
3) Unit 200 leh a chunglam zawng hman man hi Unit khat zelah ` 8.20/- a ni.
4) Connection tinah contracted load hi ` 50 per kW zel chawi tur a ni. Kan Electric bill ah khan a veilamah contracted bill a awm a, khata inziak leh ` 50/- puntir tur a ni.
5) Meter box hi Dept atanga kan hawh anih chuan ` 20/- zel thla tin kan chawi a ngai a, keimahni sum senga kan lei anih erawh chuan rental chawi a ngai lo thung.
Khing tarlan rate hmang khian awlsam takin kan Electric bill chawi zat hi a hriat theih a ni.
Kan bill chawi zat tur i han chhut chhin dawn teh ang:
Kan
electric bill a contracted load tih hnuaiah khan reading hrang hrang a awm a,
present reading atanga previous reading kha paih tur a ni. Khami paih chhuaka
kha a hnuaia slab hrang hrang hmang khan bill chhut a ni ta a ni.
Entirna 1-na:
Contracted load kha 0.50 kw ni ta se, unit consumed kha 27 ni ta se. I bill chawi zat tur chhut dan chu hetiang hi a ni ang – Contracted load 0.5 leh fixed charge ` 50 i puntir ang a, i unit chawi zat 27 leh unit 1 hman man ` 4.90 i puntir bawk ang. Chumi chhuak pahnih chu i bill chawi zat tur chu tihna a ni. (0.5x`50=`25, 27x`4.90=`132.3, `25+`132.3=`157.3 hei hi I bill chawi zat tur a ni.
Entirna 2-na
Contracted load ah 2 ni ta se, Unit hman(present reading atanga previous reading paih) kha 169 ni ta se hei hi kan bill chawi zat tur a ni ang-
Fixed charge 2 kw x ` 50 = ` 100
Unit hman zawng zawng kha unit 169 a ni a
a) Unit 100 chin kha ` 4.90 in kan puntir ang (100 x ` 4.90 = ` 490)
b) Unit 100 bak unit 69 la awm a kha ` 7.10 in kan puntir ang(69 x ` 7.10 = ` 489.90
TOTAL (` 100+` 490+` 489.90= ` 1097.9 hi kan bill chawi tur a ni ang.)
Entirna 3-na
Contracted load ah 1 ni ta se, Unit hman(present reading atanga previous reading paih) kha 301 ni ta se hei hi kan bill chawi zat tur a ni ang-
Fixed charge 1 kw x ` 50 = ` 50
Unit hman zawng zawng kha unit 301 a ni a
a) Unit 100 chin kha ` 4.90 in kan puntir ang (100 x ` 4.90 = ` 490)
b) Unit 100 dang kha ` 7.10 in kan puntir ang(100 x ` 7.10 = ` 710)
c) Unit 101 a la chuang a, khami kha a slab tawp ber ` 8.20 nen kan puntir leh ang (101 x `8.20= 828.2)
TOTAL (` 50+` 490+` 710+`828.2= ` 2078.2 hi kan bill chawi tur a ni ang.)
Tiang hian awlsam takin kan bill chawi hi a dik em, kan eng chhit ral leh kan bill chawi hi a inmil em? tih te awlsam takin mipui ten kan chhut ve thei a ni. Khitianga kan chhut hnua diklo a awm emaw, unit a kal tam uchuak lutuk anih chuan Department hotute hnenah arang lama complaint thin tur a ni. Tin complaint dawn reng rengin bill pek hmaa complaint tur a ni.
Source:
1) MIPUI CHANPUAL
2) P & ED Traiff Order for FY 2022-23.
No comments: