Serchhip Thalai te tan Skill Development Training

- Laldinpuia

Tunlai khawvelah chuan lehkha kan zir sang lutuk lo emaw, hna thawh mumal kan nei lemlo anih pawhin engemaw tal thiamna neih hi a hlu hle tawh a, mi hnuaia inhlawh tur ringawt pawhin thiamna bik nei leh neilo chu chhawrtu an inhmuh hleih hle tawh a ni. Kan ramah hian thalai tam tak lehkha zir zawm tawh lemlo, thawh tur hre mai lo leh a ngaihna pawh hre lemlo kan awm nual mai a. Heng te hian engemaw tal thiamna kan neih ve hi a tul hle tawh mai a, chuvang chuan Skill Development lampang hi kan tuipui a tul hle tawh a ni.

Hetiang anih mek lai hian Narendra Modi-a kaihhruai India sawrkar chuan thalai te thiamna bik an neih theihna turin theihtawp a chhuah mek a. Chutiang hmalakna atang chuan India sawrkar laipui Ministry of Micro, Small & Medium Enterprise bul tumin Central Tool Room and Training Centre(CTTC), Bhubaneswar a awm te chuan he Training programme hi buatsaih thinin thalai tam tak ten hemi kaltlang hian eizawnna leh thawh tur an lo neih theih phah tawh a ni.

He programme hnuaiah hian thalai tam tak in thiamna chi hrang hrangah Training an nei mek a. Training fee hi chawi a ngai a. Amaherawhchu CTTC hian Mizoram leh Meghalaya tan bik Training hi a thlawnin a buatsaih hlauh mai a, hei vang hian mahni sum seng miah lovin Mizo thalai te tan chuan a training theih dawn ta a ni.

CTTC Programme hnuaia Mizo thalai te tana Training theih awm hrang hrang te chu heng a hnuaia mite hi a ni –

1.      Mobile Phone Hardware Repair Technician (NSQF Level-4): Hei hi Mobile Phone chhe siam zirna a ni a, kar 9 chhung course a ni a, cl X passed chin tan dil theih a ni.

2.      Field Engineer-RACW(NSQF Level-5): Refrigerator install leh a chhe siam zirna a ni a, Class VIII passed chin tan dil theih a ni a, kar 9 chhung training tur a ni.

3.      Field Technician-AC(NSQF Level-4): Air condition fit leh a chhe lai siamthat hna a ni a, Class VIII passed chin tan dil theih a ni a, kar 8 chhung training tur a ni.

4.      Field Technician–Computing and Peripherals(NSQF Level-4): Computer Sofware leh Hardware system siam zirna leh install dan a ni a. Computer a harsatna leh a chhe lai siamthat lam zirna a ni. Class XII passed chin tan dil theih a ni a, kar 8 chhung training tur a ni.

5.      Web developer(NSQF Level-5): Web designing leh Sofware designing lampang leh application siam zirna a ni. Class XII chin tan dil theih a ni a, kar 10 chhung training tur a ni.

6.      Solar PV Installer(SuryaMitra)(NSQF Level-4): Solar PV System install leh a nekawl zui da zirna a ni. ITI emaw Diploma nei chin tan dil theih a ni a, kar 8 chhung training tur a ni.

7.     Draughtsman-Mechanical (NSQF Level-4): CAD System hmanga 2D Mechanical Engineering drawing siam zirna a ni. Class X  passed chin tan dil theih a ni a, kar 10 chhung training tur a ni.

8.     CNC Operator-Turning (NSQF Level-3): Hand drill leh cutting tools lampang leh tunlai thilsiamna hrang hrang hman zirna lam a ni. Class X passed chin tan dil theih a ni a, kar 10 chhung Training tur a ni.

Khing a chunga Course hrang hrang tarlan te khi Training theih a ni a, tin Free Training anih mai piah lamah Training na hmun Bhubaneswar panna, training chhunga ei leh in leh riahna zawng zawng pawh a Free vek bawk. Serchhip thalai a tam thei ang ber training an neih theih nan ruahmanna siam mek a ni a, chuvang chuan thalai hetiang lama tui leh training duh tan chuan a hnuaia hming leh phone number tarlanah te hian biakpawh theih a ni. Training hi tunah hian 2^nd Batch ten an nei mek a, 3^rd Batch hi January 18, 2018 ah tan tur a ni a, chuvang chuan a training duh chuan December thla chhungin registration tihfel tur a ni ang. Hrechiang duh tan http://www.cttc.gov.in/ ah information kimchang en theih a ni bawk e.

Hrechiang duh tan zawhfiah theihna te –

            Mr Lalhriatrenga Chhangte, Kolkata Ph: 8902057606

            Mr Laldinpuia, Serchhip Ph: 9436146850

……………..