THIHNA KOTLANG ATANGIN
(My near death experience on my way to Pokhara)
Patling nutling mangang aurawl ri chuah chuah kara ngawi renga ka awm lai khan thihna kotlang a din hlauhawm zia hi ka hre lova. Mahse he ralmuanna hmuna ka awm tak hnu hian thihna kotlanga awm laia chatuan nun thlahlel silo te mangan zia ka hmuh khan nun hlutzia ka hre thar sauhvin ka hria.
Ni 29.12.2016 tlailam dar 3 ah Kakarvitta atangin Night Bus in Pokhara, Nepal panin ka kal a, chu Bus a chuang zingah chuan keimah chiah Mizo tawng thiam awmchhun ka ni a, vai tawng emaw Nepali tawng emaw thiamlo awmchhun ka ni bawk. Ka thutna tura ka cut chu seat no A3 a ni a, tukverh bul thutna nuam tak a ni. Chu ka thutna nuam takah chuan darkar khat vel chhung ka thut hnuah Nepali chhungkaw pakhat hi an lo chuan belh a, thutho an duh si a, conductor chuan ka thutna atang chuan hmun danga thu turin min kawhhmuh a. "Ka ticket cutna seat a ni a ka thutna tur alawm" ti a han hnial ka tum ngial a, mahse an tawng ka thiam lo a, ka tawng an hrelo bawk a tihngaihna a awm silo, lungawi vaklo chung chuan min kawhhmuhna tlar hma berah chuan tukverh bul nilo lamah chuan ka thu ta a. Ka bulah chuan mi pakhat a thu a, thutna remfel paha ka han en chuan ka phu deuh zawk a, nula tleirawl ngo leh hmeltha tak mai hi a lo ni reuh a, tlangval lai chu nise theihtawp han chhuah nghalna mai tur hi ani reuh a, mahse tlangval tawhloh hnuah pawh chutiang ang tleirawl hmeltha bula thut chu hah a dam vawng vawng tho mai! Conductor pa chu min duhsaklo emaw ka tihlaiin ka thatna tur a lo hre hle a lo ni, va kala va chibai hial hi ka chak a!
Mahse rin angin chu tleirawl hi a nelawm hranloh, an chhungkaw dinhmun a sang anga a induh ve pawh a ni mai thei. Ngawi reng hian tukverh lam hawiin a thu tum hmak reng a, mitsir pawhin min melh duhlo. Mahse ka thiamlo lemlo, kan inhmelhriat pawh a ni zeng lova, inbiak bawrh bawrh kha a tulin ka hre lemlo. Rei fe kan tlan hnuah chuan intipachangin kan han bek bawr se se a saptawng a lo thiam hlauh mai a, tichuan kan ti ti dun thei ta a. Mahse ka biakin a rul tawk bakin min chhang lova, chuvang chuan ka be zui peih ta bik lova. Min mutthilh san daih a, kei pawh ka thu ngawi ta reng a.
Ni 30.12.2016 zing Dar 6:20 a ri vel ang tihah chuan hriatlawkloh thil thleng a awm ta. Hetih hunlai hian Nepal ramah chuan khua a la thim vek a, kan Bus chu chak takin darkar khata km 50 vel hian atlan vuk vuk mai a. Chutah thawklehkhatah thil ri bur hi kan hria a, chu veleh kan Bus hmalam leh driver side lo lam darthlalang chu a kehdarh ta chuai chuai mai a, kan Bus hi a tlan chak si a, a tlan he nghal bawi bawi mai a, a kawi ta zuai zuai mai a. Bus a chuang ho chu an au chel chul mai a. Kei chu au nachang pawh hre lovin ka tha a khur a, ka thutna vawnban chu nghet taka hum chungin hmalam chu ka en reng a, kan driver chuan theihtawpin Bus chu thunun a tum a. Chutih lai chuan ka rilruah thildang reng reng a lang lova, ka rilrua ka ngaihtuah chu thil pathum chiah a ni - 1) Kan Bus hi a ding pangngai thei angem? ) Kawngthlangah kan tlanliam ang nge, kopang saw kan su dawn? 2) Kan thi vek angem?
Chutia mangang awrawl a rik chuah chuah lai chuan ka piaha tleirawl hmeltha tak kha a mangang tihngaihna hrelo a auchhuak ngam bawk silo chu, a hma zawnga ka lam hawi pawha mu duhlo kha, ka kut a rawn kuah a, min hmer ta ngawt ngawt mai a. Keilah chu hlau e tilo chuan ka thla a muang siai siai thung a, rang takin a kut chu ka vuan let a! Hlaulo turin ka han hnem letling ve a!
Tichuan driver chuan Bus chu a tiding thei ta a, a din hnu chuan pawnah kan chhuk a Bus chu kan han en chiang a, a hmalam chung chu a khi ruah mai a, a kil chu a dam duk mai bawk a. Kawng chhak atanga lung lian tak lo tla chuan a deng a lo ni ta. Inhliam kan awmlo hlauh a, Bus pawh chu a chhe nasa lutuk lova. Khua lah chu a vawt em em mai si a, Bus hmalam Darthlalang lah chu a sawm vek bawk nen Pokhara thlen nan Km 200 vel a la awm a. Mahse Bus driver chuan kan kal zel theih thu a sawi a, tichuan rei vaklo kan chawlh hnu chuan kan tlan leh ta a. Kan Bus driver kha vawt a ti ve khawpin ka ring, Bus chhunga kan intuam lum chung pawhin a vawt kan ti a nia, chutah Bus darthlalang awm lovah km 200 chuang intuamlumna hranpa awm lovin Bus a khalh lehnghal. Tichuan tluang takin Pokhara chu zing dar 9:35 ah ka thleng ta a.
Ka huntawng kha ka ngaihtuah let a, ka vanneihzia leh Pathianin ka nun a hum zia kha ka ngaihtuah let a, Pathian hnena lawmthu sawi mawlh mawlh tur ka lo ni!
-Laldinpuia 30.12.2016
camp : Pokhara : Nepal
Patling nutling mangang aurawl ri chuah chuah kara ngawi renga ka awm lai khan thihna kotlang a din hlauhawm zia hi ka hre lova. Mahse he ralmuanna hmuna ka awm tak hnu hian thihna kotlanga awm laia chatuan nun thlahlel silo te mangan zia ka hmuh khan nun hlutzia ka hre thar sauhvin ka hria.
Ni 29.12.2016 tlailam dar 3 ah Kakarvitta atangin Night Bus in Pokhara, Nepal panin ka kal a, chu Bus a chuang zingah chuan keimah chiah Mizo tawng thiam awmchhun ka ni a, vai tawng emaw Nepali tawng emaw thiamlo awmchhun ka ni bawk. Ka thutna tura ka cut chu seat no A3 a ni a, tukverh bul thutna nuam tak a ni. Chu ka thutna nuam takah chuan darkar khat vel chhung ka thut hnuah Nepali chhungkaw pakhat hi an lo chuan belh a, thutho an duh si a, conductor chuan ka thutna atang chuan hmun danga thu turin min kawhhmuh a. "Ka ticket cutna seat a ni a ka thutna tur alawm" ti a han hnial ka tum ngial a, mahse an tawng ka thiam lo a, ka tawng an hrelo bawk a tihngaihna a awm silo, lungawi vaklo chung chuan min kawhhmuhna tlar hma berah chuan tukverh bul nilo lamah chuan ka thu ta a. Ka bulah chuan mi pakhat a thu a, thutna remfel paha ka han en chuan ka phu deuh zawk a, nula tleirawl ngo leh hmeltha tak mai hi a lo ni reuh a, tlangval lai chu nise theihtawp han chhuah nghalna mai tur hi ani reuh a, mahse tlangval tawhloh hnuah pawh chutiang ang tleirawl hmeltha bula thut chu hah a dam vawng vawng tho mai! Conductor pa chu min duhsaklo emaw ka tihlaiin ka thatna tur a lo hre hle a lo ni, va kala va chibai hial hi ka chak a!
Mahse rin angin chu tleirawl hi a nelawm hranloh, an chhungkaw dinhmun a sang anga a induh ve pawh a ni mai thei. Ngawi reng hian tukverh lam hawiin a thu tum hmak reng a, mitsir pawhin min melh duhlo. Mahse ka thiamlo lemlo, kan inhmelhriat pawh a ni zeng lova, inbiak bawrh bawrh kha a tulin ka hre lemlo. Rei fe kan tlan hnuah chuan intipachangin kan han bek bawr se se a saptawng a lo thiam hlauh mai a, tichuan kan ti ti dun thei ta a. Mahse ka biakin a rul tawk bakin min chhang lova, chuvang chuan ka be zui peih ta bik lova. Min mutthilh san daih a, kei pawh ka thu ngawi ta reng a.
Ni 30.12.2016 zing Dar 6:20 a ri vel ang tihah chuan hriatlawkloh thil thleng a awm ta. Hetih hunlai hian Nepal ramah chuan khua a la thim vek a, kan Bus chu chak takin darkar khata km 50 vel hian atlan vuk vuk mai a. Chutah thawklehkhatah thil ri bur hi kan hria a, chu veleh kan Bus hmalam leh driver side lo lam darthlalang chu a kehdarh ta chuai chuai mai a, kan Bus hi a tlan chak si a, a tlan he nghal bawi bawi mai a, a kawi ta zuai zuai mai a. Bus a chuang ho chu an au chel chul mai a. Kei chu au nachang pawh hre lovin ka tha a khur a, ka thutna vawnban chu nghet taka hum chungin hmalam chu ka en reng a, kan driver chuan theihtawpin Bus chu thunun a tum a. Chutih lai chuan ka rilruah thildang reng reng a lang lova, ka rilrua ka ngaihtuah chu thil pathum chiah a ni - 1) Kan Bus hi a ding pangngai thei angem? ) Kawngthlangah kan tlanliam ang nge, kopang saw kan su dawn? 2) Kan thi vek angem?
Chutia mangang awrawl a rik chuah chuah lai chuan ka piaha tleirawl hmeltha tak kha a mangang tihngaihna hrelo a auchhuak ngam bawk silo chu, a hma zawnga ka lam hawi pawha mu duhlo kha, ka kut a rawn kuah a, min hmer ta ngawt ngawt mai a. Keilah chu hlau e tilo chuan ka thla a muang siai siai thung a, rang takin a kut chu ka vuan let a! Hlaulo turin ka han hnem letling ve a!
Tichuan driver chuan Bus chu a tiding thei ta a, a din hnu chuan pawnah kan chhuk a Bus chu kan han en chiang a, a hmalam chung chu a khi ruah mai a, a kil chu a dam duk mai bawk a. Kawng chhak atanga lung lian tak lo tla chuan a deng a lo ni ta. Inhliam kan awmlo hlauh a, Bus pawh chu a chhe nasa lutuk lova. Khua lah chu a vawt em em mai si a, Bus hmalam Darthlalang lah chu a sawm vek bawk nen Pokhara thlen nan Km 200 vel a la awm a. Mahse Bus driver chuan kan kal zel theih thu a sawi a, tichuan rei vaklo kan chawlh hnu chuan kan tlan leh ta a. Kan Bus driver kha vawt a ti ve khawpin ka ring, Bus chhunga kan intuam lum chung pawhin a vawt kan ti a nia, chutah Bus darthlalang awm lovah km 200 chuang intuamlumna hranpa awm lovin Bus a khalh lehnghal. Tichuan tluang takin Pokhara chu zing dar 9:35 ah ka thleng ta a.
Ka huntawng kha ka ngaihtuah let a, ka vanneihzia leh Pathianin ka nun a hum zia kha ka ngaihtuah let a, Pathian hnena lawmthu sawi mawlh mawlh tur ka lo ni!
-Laldinpuia 30.12.2016
camp : Pokhara : Nepal
THIHNA KOTLANG ATANGIN
Reviewed by Laldinpuia
on
January 01, 2017
Rating:
Reviewed by Laldinpuia
on
January 01, 2017
Rating:
No comments: