VALENTINES DAY

Vawiin hi Valentines Day(Feb 14) a ni a, he ni hikhawvel hmun hrang hrangah 'inhmangaih te ni' ti a sawi thin a ni. Nula leh tlangval inngaizawng ten an inhmangaihna inlantir nan he ni hian thilpek te an in pe thin a, tin nu leh pa te pawhin an kawppui te vawiin ni angah hian an hmangaihna thu thilpek hmang ten an lantir thin bawk.
    Valentines Day kan tih mai hi a lochhuah dan hi sawidan hrang hrang a awm a, a lo chhuahdan chanchin an sawi lar ber leh rintlakber ni a ngaih chu hei hi a ni - Hmanlai hian Rome khuaah hian puithiam pakhat Valentine-a hi a awm a, Valentine-a chuan Rome sawrkar dan kalhin Rome sipai chu Kristian danin a inneih tir a, hetih hunlai hian Rome sipai thenkhat te chu nupui an neih phalani lova, hetianga Romedan kalha puithiamin inneihna a lo buatsaih avang hian Valentine-a chu tan inah khung a ni a. A hnuah tihhlum a ni. Valentine-a hi tan ina a tan lai hian Roman Emperor Claudius II chuan Valentine-a chu pa tha tak ni a a hriat avangin a nunna chhan a tum a, tan ina a tanlai chuan kawmin Kristianna chu phatsan a Rome sakhua zui ve turin a sawm a. Valentine-a chuan duh lovin Claudius II-a chu Pathian thu a lo hrilh zawk a. Hei vang hian tihhlum a ni ta a ni.

    Tihhlum anih hma hian Valentine-a hian tanin vengtu Asterius-a fanu Julia-i mitdel chu a tihdam sak nghe nghe. Hei vang hian tanin vengtu fanu leh an chhungte mi 44 lai chuan Lal Isua ringin baptisma an chan phah a ni. Valentine-a hian a thih hma hian tanin vengtu fanu chu lehkha a thawn a, chu a lehkhathawn tawpah chuan 'Your Valentine' tiin a hming a ziak nghe nghe.
    Pathian hmangaihna mihringa lo langchhuak humhim a, mihringte hnena hmangaihna ropui zia lantir nan Valentine-a hian a nun hial a hlan ta a ni, tiin  khawvel hmun hrang hrangah puithiam Valentine-a hriatreng nan Valentines Day kan tih hi hman a lo ni ta a ni.
    Mi tam tak chuan Valentine’s Day hi nula tlangval leh inngaizawng te tan chauh emaw kan ti a, a mihring tak a lawm kan tum a, a mihring taka hmangaihna biahthu inhlan a sex hmanna hun remchang atan te hman kan tum thin. Mahse hei hi Valentines Day lo chhuahdan leh he ni ina a tum a nilo tih i hre thar leh ang u. Pathian ina mihring te hnena hmangaihna a dah thianghlim taka lanchhuahtirna leh mihringte chunga Pathian hmangaihna lanchhuahtirna hun a ni. Chuvang chuan he ni hi a Kristian em em a ni. Pathian chu hmangaihna a khat a ni si a.