Chawl lova fak che ka duh

Lal Isua hi a hrechiangtu apiang te tan chuan a va tha tehreng em! Ka hrechiang viau emaw ka lo ti thin a, mahse ka lo hrechiang tawklo a lo ni fo mai. Khawvel thil avangin vawi tam tak ka lungngai thin a, he khawvel hmangaihna avang hian ka beidawng fo thin, mahse PATHIAN HMANGAIHNA hi tawp chin neilo, englai pawha pangngai reng a lo ni. Khawvel mihring te hmangaihna hi chuan chhan leh vang a nei a, phut let tam tak a nei bawk. Mahse chhan leh vang awm lova min hmangaihtu chu PATHIAN a ni. Hetiang khawpa min hmangaihtu PATHIAN kan nei hi leia mihring zawng zawng te hian hrechiang ila chu a va nuam dawn em!

Kei tehlul pawh hi PATHIAN hian min lo va hmangaih em! A duhloh zawng a awmin a thu angin nunglo mah ila a hmangaihna chuan min la zawntg chhuak duh a, amah fak let theihna hun min siamsak leh ta anih hi. Ka aw neih leh a theihna zawng zawng hian fak mah ila min hmangaihna hi ka rul seng zo lovang. Mahse he khawvela ka damchhung hi chuan ka theih tawkin ka fak zel tawh ang.

Chawl lova fak che ka duh,
Min hmangaihtu LAL ISU!!