26-Serchhip Constituency leh 2018-a MLA Candidate te bihchianna-I

- Laldinpuia

26- Serchhip Constituency:

26 Serchhip Constituency hian Serchhip Town (Chhiahtlang tel lovin) bakah Thenzawl, Buangpui leh Neihloh te a huam a. ECI 2018 report (as on 10.11.2018) a a lan danin tunah hian Serchhip Constituency huamchhungah hian Voters 18012 (Mipa 8542 leh Hmeichhia 9470) kan awm mek a, Seervice voters 136 kan awm bawk. Tun tum inthlanpui 2018 ah hian Serchhip Constituency huamchhungah hian Polling Station 23 awm tura ruahman a ni a, Serchhip ah Polling Station 15 awmin Thenzawlah 6 a awm ang a, Buangpui leh Neihlohah 1 ve ve a awm bawk ang.

            Serchhip Constituency atang hian kum 1972 Assembly Election atanga 2013 thleng khan MLA mi hrang hrang 5 thlanchhuah tawh an ni a, chungte chu Pu Vaivenga(1972), Pi L.Thanmawii(1978), Pu Bualhranga(1979), Pu Lalthanhawla(1984,1987,1989,1993,2003,2008,2013) leh Pu K Thangzuala(1998) te an ni. Pu Lalthanhawla hi tum 7 lai thlantlin a ni tawh nghe nghe. Tun 2018 Election-ah hian Candidate 7 an awm.

Serchhip Biala ding tur Candidate te:

Mizoram Assembly Election 2018 a Serchhip Bial atanga MLA nih tum mi 7 in nomination an file tawh a, scrutiny an paltlang vek tawh bawk. Heng te hi Affidavit a an ziahlan angin an chanchin leh tul dang te a tlangpui i han bihchiang teh ang:

VANLALRUATA: Ani hi tun hmaa Society ni thin, tunhnaia Political Party-a in register ta PRISM(Peoples Representatives for Identity and Status of Mizoram) President a ni. Serchhip Bialah hian PRISM Party Ticket in a ding. A pa hming chu PC Liantluanga a ni a, kum 43-a upa a ni. Kawlni Veng, Khawhai a awm an ni. Aizawla a address chu A-16 Upper Republic, Aizawl a ni. A contact no chu 8730978085 a ni a, Facebook ah account a nei a, whatsapp a hmang thin bawk. Election a a in candidate lai hian court-ah thubuai a nei lo.

Tunah hian a kutah pawisa fai Rs 30,000 a kawl a, a nupui Lalnunthari’n Rs 5000 a kawl bawk. Mizoram Rural bank, Khatla Branch ah Account 2 a nei a, a fapa in Mizoram Rural Bank Khatla Branch-ah Account a nei bawk.

A thil neih zawng zawng(movable items) hlut zawng hi Rs 32,175 a ni a, a nupui thil neih hlutzawng hi Rs 5000 a ni a, a fapa in Rs 539 a nei bawk. Industrial Growth Centre Luangmual-ah ram 27,555.84 Sq ft a zau a nei a, SBI Aizawl Branch ah leh SBI Mission Veng Branch ah Loan a lak atangin leiba 1,63,554 a nei mek bawk. A hnathawh chu sumdawnna a ni a, a sum lakluhna chu ‘Industrial Consultancy and retail marketing’ tih a ni. Thiamna lamah BA(History) a ni.

KAPLIANA PACHUAU: Ani hi North East lam atanga Mizorama Party bu rawn khuar thar National People’s Party tena Serchhip Bial atana an Official Candidate a ni. Pu Kapliana Pachuau hi Serchhipa nitin chanchinbu Serchhip Times editor leh neitu a ni. Pu PC Bawihthanga fapa a ni a, kum 40 a upa a ni. Serchhip Hmar Veng ah in leh lo neiin an khawsa. A contact no chu 9436146593 a ni. Facebook leh whatsapp a hmang thin. Election atana a in candidate lai hian court-ah thubuai a nei lo.

Kutah pawisa fai Rs 3,50,000/- a nei a, a nupuiin Rs 1,50,000/- a nei bawk. A faten ten kutah Rs 6000/- an kawl bawk. State Bank of India Serchhip Branch, United Bank of India Serchhip Branch leh Mizoram Rural Bank Serchhip Branchah te Bank Account a nei a. LIC Policy 1 a nei bawk. Eon Car a nei a, Yamaha Bike a nei bawk. A thil neih zawng zawng(Movable items) hlut zawng hi Rs 20,72,168/-a ni a, a nupui thil neih hlutzawng hi Rs 4,99,920/- a ni. A fa 3 te hian Mizoram Rural Bank leh United Bank of India Serchhip Branch ah te Bank Account an nei a, chuta an sum neih hlut zawng belhkhawm chu Rs 66,250/- a ni. Thiamna lamah HSLC a ni. Eizawnna lamah Journalist a ni a, a sum lakluhna hnar ber chu chanchinbu a enkawlna atangin a ni.

C. LALRAMZAUVA: Ani hi Mizo National Front (MNF) Official Candidate a ni a, Advocate a ni. Pu C Kapchawla fapa niin kum 57-a ni a, Kulikawn Aizawl-ah a cheng. A contact no chu 9436140608 a ni a, Social Media lamah Facebook leh Whatsapp ah account a nei. Election atana a in candidate lai hian thubuai a nei lo.

Tunah a kutah Rs 1,50,000/- a kawl a, a nupuiin Rs 1,20,000/- a kawl bawk. State Bank of India Zoram Platinum Branch Aizawlah leh STD Account 2 ah te pawisa a nei nual a, a nupuiin Vijaya Bank, SBI Solomons Cave Branch, Mission Veng Branch, Kulikawn Branch-ah te Bank Account a nei a. A fapa in SBI Aizawl Solomons Cave Branch-ah Bank Account a nei bawk. Motor Hyundai Verna a nei a, Mahindra XUV leh Maruti EECO a nei a, a nupuiin TATA LPK 407 leh Scooty a nei bawk. An chhungkaw thil neih zawng zawng(movable items) hlutzawng hi Rs 55,73,121.54/- a ni a, a nupui thil neih hlutzawng hi Rs 9,46,361.32/- a ni a, a fapa thil neih hlutzawng hi Rs 5600/-. Hmun hrang hrangah inhmun leh ram a nei a, a ram leh inhmun neih zawng zawng hlut zawng hi Rs 11,72,00,000/- a ni.

Bank-ah Loan a lak atanga a la bat zat belhkhawm chu Rs 22,73,058/- a ni a, a nupui leiba  zat chu Rs 6,00,000/- a ni. A eizawnna chu, Dan hremi (Lawyer) a ni. Thiamna lamah MA, LLB a ni.

LAL THANHAWLA: Mizoram sawrkar kal meka Chief Minister nilai a ni a, Serchhip Bialah hian term 7 thlantlin a ni tawh. Hmartawn Phunga fapa a ni a, kum 80-a upa a ni. A/14 Zarkawt, Main Street, Aizawl-ah an khawsa. Social Media a hmang ngailo. A contact no chu 9436140488 a ni.

Election chuh tura a in candidate lai hian Serchhip CJM Court ah thubuai kal lai a nei a, chu a thubuai chu Pu Lalhriatrenga Chhangte in Section 125A, Representative of People Act, 1951 tlawhchhana thubuai a thehluh a ni.

Tunah hian a kutah Rs 5,00,000/- a kawl a, a nupuiin Rs 3,00,000/- a kawl bawk. An nupa hian Bank hrang hrang SBI, Vijaya Bank, HDFC Bank, MUDB, Apex bank, Axis Bank, Canara Bank-ah te Saving leh Fixed Deposit Account an nei a, a nupui pawhin SBI, Vijaya, Apex Bank, Canara Bank, Postal ah te Saving Account leh Fixed Deposit account a nei a, a nupui hian SBI Life Insurance a nei bawk.

Maruti Gypsy a nei a, a nupuiin Toyota Fortuner Car a nei bawk. Tlereuh thilhlu 2.20 gram a nei a, a nupuiin 3.50 gram a nei bawk. A thil neih zawng zawng(movable items) belhkhawm hi Rs 1,28,06,007.0/- a ni a, a nupui thil neih zawng zawng hi Rs 92,13,740.47/- a ni. An nupa hian hmun hrang hrangah ram leh inhmun an nei a, Pu Lal Thanhawla hian Kolkata-ah in hmun 300 Sq m a zau a nei bawk. A hlawh leh in luahman chu a sum lakluhna ber a ni. A nupui hian Sakawrtuichhunah Quarry License a nei bawk. Thiamna lamah BA a ni.

ZAICHHAWNA HLAWNDO: Ani hi ZORAMTHAR pawl hotupa a ni a, Serchhip Bialah hian Independent in a ding. Pu Thangthuama Hlawndo fa niin kum 55-a upa a ni. H/No-251 Chaltlang Lily Veng, Aizawl a khawsa an ni. A contact no chu 8131958421 a ni a, facebook account a nei a, Instagram account erawh a neilo. Election atana a in candidate lai hian thubuai a nei lo.

Affidavit-a a lan danin tunah hian a kutah pawisa cheng khatmah a kawl lo! Bank of Maharashtra, Aizawl Branch leh SBI Aizawlah te Bank Account a nei a, Motor Bolero pakhat a nei a, a nupuiin Scooty pakhat a nei bawk. A thil neih zawng zawng(movable items) hlutzawng hi Rs 37,73,757.96/- a ni a, a nupui thil neih hlutzawng hi Rs 69,637/- a ni. Inhmun leh ram engmah a nei lo. A sum lakluhna chu a pension hlawh a ni. Thiamna lamah BTh (Middlesex University atangin) a ni.

LALDUHOMA: Ani hi Zoram Nationalist Party dintu leh President a ni a, Zoram People’s Movement (ZPM)ah an inchhunkhawm avangin tun tum Election-ah hian ZPM Ticket in Independent in Serchhip Bialah hian a ding a ni. A pa chu Vaisanga a ni a, kum 69-a upa a ni. H/No 157. Chawlhhmun-II, Aizawl-ah an awm. A contact no chu 9862568870 a ni. Email leh Social Media account a nei lo. Election atana a in candidate lai hian court-ah thubuai a nei lo.

Kutah sum Rs 70,000/- a kawl a. State Bank of India Main Branch Aizawl leh MC Apex Bank Aizawl ah te Bank Account a nei a, a nupuiin SBI leh MC Apex Bank bakah Post Office ah Account a nei bawk. Maruti WagonR leh Jeep a nei a. A thil neih zawng zawng(movable items) hlutzawng hi Rs 18,34,861/- a ni. A nupui thil neih hlutzawng hi Rs 5,10,213/- a ni.

Sihhmuiah ram 2.8 Acres a zau a nei a, Chawlhhmunah Concrete Building a nei bawk a. A ram neih hlut zawng hi Rs 190,00,000/- a ni bawk. State Bank of India-ah MLA a nih laia Loan a lak chu Rs 5,04,535/- leiba a la nei. A sum lakluhna chu MP leh MLA Pension hlawh a ni. Thiamna lamah BA a ni.

LALCHUNGLURA: Ani hi Bharatia Janata Party (BJP) Official candidate a ni a, kum 57 a upa a ni. A pa chu R.Laldawla a ni a, Zuangtui, Aizawl-ah an awm. A contact no chu 8259826752 a ni a, social media-ah Whatsapp a hmang thin. Election candidate a chuh lai hian court thubuai engmah a neilo. Kutah Rs 2,00,000/- a kawl a, a nupuiin Rs 1,60,000/- a kawl bawk. SBI Main Branch Aizawl leh MRB Serchhip-ah te Bank Account a nei a. A nupuiin SBI Dawrpui Branch leh Bank of India, Thuampui Branch ah te account a nei. Woodcraft Manufacturing Industry lam sumdawnna a khawih thin

Motor Bolero ZLX leh Bolero Camper PS 4WD a nei. A thil neih zawng zawng pawisaa a hltu zawng chu Rs 49,75,686/- a ni. A nupui sum neih zat chu Rs 5,49,612/- a ni. Sesawngah ram 31117.22sq.m a zau a nei a, Zuangtuiah 166 sq.m a zau inhmun a nei bawk. A ram neih leh inhmun neih hlutzawng hi Rs 4,56,469/- a ni. Bank atangin Loan Rs 14,75,259/- a nei mek. Thiamna lamah D.Tech, Mechanical Engineer a ni.

Heng Candidate tha tak tak te hian anmahni Party tha chakna nen tlin ngei tumin theihtawp an chhuah theuh a, tunge tling ang tih hi sawi lawk theih a ni tak tak lo a, Mizote hi hnamdang te anglo takin Pre-Poll leh Exit Poll ang chi te hi kan hmang tangkai lemlo niin a lang a, mipui ngaihdan lak naa sang tak te pawh hi inthlannaah an tlin phah lem chuang lo. Heng Poll ang chi te hi chu fiamthu thawh nan kan hmang zawk mah em tih theih a ni. Chuvang chuan Election result hriat hma hi chuan a tu a te pawh hi tling thei vek dinhmunah an ding tih hi hriat a tha.